Queenleb
عضو فعال
عدد الرسائل : 80
تاريخ التسجيل : 24/03/2007
 |  موضوع: الله يرحمو كيف مات؟؟  الأحد مارس 25, 2007 11:48 pm | |
| مثل القط بسبع ارواح .. ابوه مات وما مات طيب شو صارلو؟
اليكم هذه المكالمة القصيرة بين الصديق الاول والصديق الثاني , حول والد الصديق الثاني. الصديق الاول يريد معرفة سبب وفاة والد الصديق الثاني , ولكن .. يبدو ان الموضوع ليس سهلا ..
الأول : كيفك يا زلمة وكيفو ابوك انشالله تحسن صارلي سنين ما شفتو
الثاني : انا ماشي حالي الحمد لله بس الوالد اعطاك عمرو
الأول :العمر إلك بعرف كان عندو القلب يالله الله يرحمو
الثاني : بس والله ما مات من القلب
الأول : كيف توفى
الثاني : الله يرحمو بآخر فترة ضعف نظرو كثير مرة طلع ع البرندة ما شاف الحفة وقع وبتعرف بيتنا ثالت طابق
الأول : له له على هالموتة ، بكل الأحوال الله يرحمو
الثاني : والله تعذبنا فيه كثير وعملنالو حوالي 12 عملية لعبين ما تحسن
الأول : لكان كيف توفى
الثاني : صار يحمل عكازة ومرة وهو يقطع الشارع سيارة مسرعة خبطته
الأول : يه يه الله يرحمو
الثاني : ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان رهيب
الأول : الله يرحمو بكل الأحوال
الثاني : بس سفرناه على اسبانيا وضلينا تقريبا 6 أشهر نعالج فيه والحمد لله تحسن
الأول : طيب كيف مات
الثاني : صار معو فشل كلوي حاد وصرنا ندور على متبرع كلية وتأخرنا وصار معو تسمم
الأول : الله يرحمو ارتاح
الثاني : بالصدفة إجا شخص بيعرفو من زمان تبرعلو بالكلوة بآآآآآآآآخر نفس
الأول : لكان كيف مات
الثاني : والله مرة بالبيت وهو قاعد ما انتبه عالغاز احترقت الشقة وهو لحالو فيها
الأول : يا لطيف على هالموتة ما أبشعها الله يرحمو
الثاني : بس والله جارنا الله يوفقه ويفتحها بوجهه كسر باب البيت ولحقو بآآآآآآآخر لحظة
الأول : ولك فهمنا كيف مات
الثاني : والله اضطرينا انطخوا
!!!!!!!!!!
Just for laugh
فقط للابتسامه | |
|
